कोपरगावचा अभिमान : नितीन वाबळे यांची भारतीय संघात निवड

सुमित दादा कोल्हे यांच्याकडून प्रेरणादायी सत्कार

कोपरगाव (प्रतिनिधी) – प्रतिकूल परिस्थितीवर मात करत जिद्द, चिकाटी आणि अथक परिश्रमाच्या बळावर कोपरगावच्या मातीतून एक प्रेरणादायी क्रीडा गाथा साकारली आहे. संजीवनी क्रिकेट अकॅडमी येथे नियमित सराव करणारे दिव्यांग क्रिकेटपटू नितीन किशोर वाबळे यांची भारतीय दिव्यांग क्रिकेट संघात (Bowling All-Rounder) निवड झाली असून, ते आगामी सिंगापूर व श्रीलंका दौऱ्यात भारताचे प्रतिनिधित्व करणार आहेत. या यशामुळे संपूर्ण परिसरात अभिमानाचे वातावरण निर्माण झाले आहे.

या उल्लेखनीय यशानिमित्त माननीय सुमित दादा कोल्हे यांनी नितीन वाबळे यांना विशेष निमंत्रित करून त्यांचा सत्कार केला. परिसरातील कला, क्रीडा व सामाजिक क्षेत्रातील गरजूंना सातत्याने भक्कम पाठिंबा देणारे सुमित दादा कोल्हे हे नेहमीच प्रेरणादायी भूमिका निभावत आले आहेत. त्यांना ही प्रेरणा माजी मंत्री स्व. शंकररावजी कोल्हे साहेब यांच्या कार्यातून मिळालेली आहे. तसेच माननीय नितीन दादा कोल्हे व अमित दादा कोल्हे यांच्या सहकार्यामुळे परिसरातील युवकांमध्ये क्रीडा व सांस्कृतिक क्षेत्राचा विकास अधिक सक्षमपणे होत आहे.

३५ वर्षीय नितीन वाबळे हे कोपरगाव (जि. अहिल्यानगर) येथील रहिवासी असून ते पदवीधर आहेत. वडील किशोर वाबळे हे शेतकरी, तर आई बेबीताई वाबळे यांनी त्यांना सतत प्रोत्साहन दिले. वयाच्या अवघ्या ८ व्या वर्षी झालेल्या अपघातामुळे त्यांच्या डाव्या हाताला अपंगत्व आले. मात्र या मोठ्या धक्क्यानंतरही त्यांनी खचून न जाता स्वतःच्या जिद्दीच्या जोरावर जीवनात पुढे वाटचाल केली. बालपणातील अपघात, पण स्वप्नांना अडथळा येऊ दिला नाही क्रिकेटची आवड लहानपणापासून असलेल्या नितीन यांनी मागील ४–५ वर्षांत लेदर क्रिकेटमध्ये सातत्याने मेहनत घेत आपली स्वतंत्र ओळख निर्माण केली.

नितीन वाबळे यांनी Divyang Cricket Control Board of India अंतर्गत विविध स्पर्धांमध्ये उत्कृष्ट कामगिरी करत राष्ट्रीय स्तरावर छाप पाडली आहे.

  • Karsan Ghavri West Zone Tournament 2026 – ३ वेळा Best Bowler
  • Interstate Day-Night Cricket Tournament 2025 – Best All-Rounder
  • २ वेळा राज्यस्तरीय अंतिम फेरीत सहभाग
  • Team India A (2025) विजेत्या संघाचा सदस्य

त्यांच्या सातत्यपूर्ण कामगिरीच्या जोरावर मार्च २०२६ मध्ये कोलकाता येथे झालेल्या निवड प्रक्रियेतून त्यांची भारतीय दिव्यांग क्रिकेट संघात निवड निश्चित झाली.

नितीन वाबळे हे एप्रिल २०२६ मध्ये सिंगापूर येथे होणाऱ्या T20 मालिकेत (२३ ते ३० एप्रिल) तसेच मे महिन्यात श्रीलंकेत (१ ते ६ मे) होणाऱ्या Friendship Cup – Sri Lanka Disabled Cricket Board स्पर्धेत भारताचे प्रतिनिधित्व करणार आहेत. सिंगापूर व कोलंबो येथे होणाऱ्या या मालिकांमध्ये ते Bowling All-Rounder म्हणून महत्त्वाची भूमिका निभावणार आहेत.

सत्कार प्रसंगी बोलताना सुमित दादा कोल्हे म्हणाले,
“नितीन वाबळे यांचा प्रवास हा खऱ्या अर्थाने जिद्दीचा आदर्श आहे. अपंगत्वावर मात करून त्यांनी देशासाठी खेळण्याची संधी मिळवली, ही संपूर्ण परिसरासाठी अभिमानाची बाब आहे. अशा खेळाडूंना आवश्यक त्या सर्व सुविधा देणे हे आपले कर्तव्य आहे.”

नितीन वाबळे यांनी भावना व्यक्त करत सांगितले,
“देशासाठी खेळण्याची संधी मिळणं हे माझ्यासाठी आयुष्यातील मोठं स्वप्न पूर्ण झाल्यासारखं आहे. मी भारतासाठी सर्वोत्तम कामगिरी करण्याचा पूर्ण प्रयत्न करेन.”

कुटुंबीयांनीही आनंद व्यक्त करत म्हटले,
“नितीनने घेतलेल्या मेहनतीचे फळ आज मिळाले. त्याचा आम्हाला अभिमान आहे.”

मित्रपरिवार व स्थानिकांनी प्रतिक्रिया देताना सांगितले,
“नितीन वाबळे हा आमच्या भागाचा अभिमान आहे. त्याची जिद्द आणि मेहनत अनेक तरुणांसाठी प्रेरणादायी आहे.”

नितीन यांच्या यशामागे प्रशिक्षकांचे मार्गदर्शन व मेहनत मोलाची ठरली आहे. याची दखल घेत सत्कार सोहळ्यात  त्यांच्या प्रशिक्षकांचाही विशेष सन्मान करण्यात आला.

कोपरगावसारख्या ग्रामीण भागातून, शेतकरी कुटुंबातून येऊन अपंगत्वावर मात करत आंतरराष्ट्रीय स्तरावर पोहोचलेले नितीन वाबळे हे आज अनेक तरुणांसाठी प्रेरणास्थान ठरत आहेत. त्यांची ही यशोगाथा केवळ क्रीडा क्षेत्रापुरती मर्यादित न राहता जीवनात संघर्षावर मात करण्याची प्रेरणा देणारी ठरत आहे.